Fatjon Hoxha sot ka futur në dhe babanë e tij Xhevahirin dhe nusen Xhevair Hoxha, një ditë pasi ky i fundit vrau me thikë të renë dhe më pas vari veten në pemën e shtëpisë në fshatin Vidhisht të Roskovecit në Fier.
Trupi i Xhevahir Hoxhës do të prehet në fshatin e tij në Vidhishtë, ndërsa trupi i 30-vjeçares Merushe Hazizin do të prehet në varrezat pranë familjes së saj në fshatin Suk 1.
Varrimet janë bërë të ndarë por djali ka zgjedhur babanë. Ai ka marrë pjesë në ceremoninë e tij mortore, ndonëse ky i fundit nuk e pranonte lidhjen e tij me Merushen.
Fqinjët e Merushe Hazizit në shtëpinë e babait të saj ishin në dijeni të situatës që po kalonte 30 vjeçarja e cila nuk pranohej nga vjehrri për nusen e djalit për shkak se ajo kishte qenë e martuar më parë dhe ishte nënë e 3 fëmijëve me burrin e parë. Një prej tyre thotë se ish burri e kishte kërkuar 3 herë Merushen pasi ishin ndarë por kjo nuk kishte pranuar të kthehej.
“Ka ardhur 3 herë e ka kërkuar ish burri”, tregon fqinja.
Ishte ndarë kur u dashurua me këtë nga Vidhishta? “S’e di. Me atë u nda dhe nuk donte të shkonte më te ai dhe u lidh me këtë djalin këtej. Ish-burrin e kishte nga Berati. Nuk e donte nuse për djalë vjehrri. Unë e njoh për vajzë të mirë janë të tëra punëtore si motra. Problemi ishte se vjehrri nuk e donte s’e përse djali la nusen e parë dhe mori këtë. Ai erdhi tre herë. Po kjo nuk pranoi”, tha një grua.
