Një shëtitje rutinë me makinë e katër djemve që sapo kishin mbaruar mësimin në gjimnaz u kthye në tragjedi për familjen e një 17-vjeçari shqiptar.
Bëhet me dije nga mediat greke se adoleshenti shqiptar u dogj brenda makinës së drejtuar nga shoku grek i klasës pasi automjeti i përmbys anë rrugës duke marrë flakë tërësisht.
Ndër të tjera mësohet se drejtuesi i makinës, një 18-vjeçar grek, i cili sapo e kishtë marrë patentën, pritet të dalë sot para gjykatës për të marrë masën e sigurisë.
Grupi i të rinjve, i përbërë nga grekë dhe shqiptarë dolën për të bërë një xhiro me makinë fill pas mbarimit të mësimit në gjimnaz, por diçka shkoi keq dhe shoferi i ri humbi kontrollin e mjetit duke shkaktuar aksident.
