Të gjithë pretendojnë për një fund të pandemisë dhe kjo bëhet më e besueshme, përgjatë dy muajve të fundit në vendin tonë, ku kemi rënie të rasteve të reja dhe vdekjeve.
Por ekspertët e shëndetit publik duket të dyzuar. Të ftuar në emisionin “Open” në Top Channel, disa prej tyre shpjegojnë se jemi afër fundit të pandemisë, për shkak të uljes së rasteve, të tjerë shpjegojnë se vaksinimi total do të na çojë afër fundit, ndërsa të tjerë thonë se duhet të jemi ende të kujdesshëm.
E pyetur nga moderatorja Eni Vasili, zëvëndësministrja Mira Rakacolli, shpjegoi se fundin e pandemisë do ta sjellë vaksinimi.
“Gjithçka varet se si do të ecë situata e vaksinimit”,shprehet ajo.
Në të njëjtin mendim është edhe infeksionisti Genc Stroni, i cili shpjegoi se duhet të mësojmë të bashkëjetojmë me virusin dhe me anë të vaksinave ta minimizojmë prezencën e tij.
Ndërkohë, mjeku shqipëtar në Londër, Laidon Shapo, shpjegon se Covid-19 mund të jetë në bishtin e tij, por ka pasur raste të reja përsëri.
“Kemi parë që rastet janë rritur me 12% por janë asimtomatike, por pavarëësiht kësaj duan kujdes. Të gjitha variantet e reja mund të krijojnë në të gjitha kohërat. Thuhet që këtu ishin bërë 72% të vkasinimeve të plota. Kina kishte vaksinim të plotë, por që nga tetori deri në prill, është parë një rënie e përgjgjes imunitare. Këto variante të reja kanë ndryshimet në sipërfaqen virale në mënyrë që të mbijetojnë”,shpjegoi Shapo.
Sipas tij, njerëzit po trajtohen në shtëpi me simptomat që kanë qenë në fillim të Omicron dhe kjo nuk do të thotë se nuk do kthehen në spitale.
