Një makinë tip “BMW” është qëlluar dhe bërë shoshë pasditen e sotme me 20 plumba në fshatin Papër në Elbasan.
Bëhet me dije nga burimet për mediat se atentat ka ndodhur në të njëjtin vend ku kanë ndodhur dhe shumë atentate të tjera po në fshatin Papër në Elbasan.
Ndër të tjera mësohet se BMW është qëlluar nga një tjetër makinë që ka qenë në lëvizje. Disa metra më larg vendit ku është qëlluar me breshëri kallashnikovi, makina është gjetur e braktisur nga personat që ishin brenda saj.
Gjatë kontrollit të makinës brenda saj është gjetur edhe një bidon me benzinë. Një tjetër detaj që është konstatuar është se makina e qëlluar është me targa të vjedhura. Nuk dihen ende rrethana të tjera të ngjarjes. Shërbimet e Policisë ndodhen në vendngjarje dhe po krehin zonën me qëllim kapjen e personave të përshirë në këtë ngjarje.
