Ish-Ministri i Jashtëm dhe ish-deputeti demokrat, Besnik Mustafaj, ka komentuar deklaratën e Lulzim Bashës gjatë mbledhjes së grupit parlamentar demokrat, ku u ka kërkuar kohë për të bërë të qartë vendimin e tij.
I ftuar në ‘Radari Informativ’ në Abc të gazetares Juli Xhokaxhi, Mustafaj tha se Basha po përpiqet të fitojë kohë, duke shpresuar tek proverbi i famshëm shqiptar që çudia më e madhe 3 ditë zgjat.
Pjesë nga biseda:
Xhokaxhi: Çfarë po përpiqet të bëjë Lulzim Basha?
Mustafaj: Po përpiqet të fitojë kohë.
Xhokaxhi: Çfarë mund të bëjë?
Mustafaj: Mos ikë. Basha po udhëhiqet nga një proverb shqiptare se ‘Çudia më e madhe 3 ditë zgjat’. Ai mendon se emocioni do kalojë, se deputetët do ta kuptojnë se janë më rehat me Bashën se me Berishën. Apo po aktivizon një korpus që nuk është i zgjedhur, që është mbledhja e Kolegjit të Kryetarëve.
Xhokaxhi: Çfarë ndodhi në Kolegjin e kryetarëve, pasi në mbledhjen e parë u duk sikur ishin në unison me deputetë, në mbledhjen e dytë ndryshuan?
Mustafaj: Kolegji i kryetarëve nuk solli krejt të kundërtën, pati krisje. Mbledhja e parë dhe ai monolitizmi që treguan për kryetarin u dha në media, dhe kjo shkoi tek demokratët. Dhe këta kryetarë degësh janë në ballafaqim me demokratët. Baza e PD-së dha në Kuvendin e 11 Dhjetorit se me kë është.
Xhokaxhi: Si shkarkohet Basha?
Mustafaj: Kryetari i partisë shkarkohet nga Kuvendi ose Këshilli Kombëtar me një vendim të cilësuar. Ajo që është poshtëruese për PD por sidomos për Bashën është këmbëngulja për të mbajtur vulën dhe zyrën pa anëtarë.
Xhokaxhi: Si mund të qëndrojë një kryetar partie kur nuk e duan
Mustafaj: Ky është i gjithë paradoksi. Të gjitha fijet të çojnë tek vetë Basha, që e bën veten të paqenë para opinionit publik. Nëse Gjykata vendos në favor të grupit të Rithemelimit shkon në shkarkimin e Bashës.
