Presidenti ukrainas, Volodymyr Zelensky ka mbajtur ditën e sotme një fjalim përpara Parlamentit kanadez.
“A mund ta imagjinoni vetëm se në orën 4:00 të mëngjesit, filloni të dëgjoni shpërthime bombash, shpërthime të forta? A mund të imagjinoni t’i dëgjoni ju, fëmijët tuaj, të dëgjoni të gjitha këto shpërthime të rënda? Bombardimi i aeroportit? Bombardimi i aeroportit të Otavës? Dhjetëra qytete të tjera të vendit tuaj të mrekullueshëm – a mund ta imagjinoni këtë?” tha ai.
Imagjinoni që dikush po e rrethon Vankuverin. A mund ta imagjinoni këtë për një sekondë? Të gjithë këta njerëz që kanë mbetur në një qytet të tillë. Kjo është pikërisht situata që po vuan qyteti i Mariupolit tani. Dhe kanë mbetur pa ngrohje, pa mjete komunikimi, pothuajse pa ushqim e pa ujë.
A mund ta imagjinoni kullën e famshme CN në Toronto, nëse do të goditet nga bombat ruse? Sigurisht që nuk ia uroj këtë askujt, por ky është realiteti ynë në të cilin jetojmë”.- tha Zelensky.
