Rusia ka akuzuar një grua shtatzënë se ka ndihmuar në falsifikimin e një sulmi barbar në spital, ku mbetën të vrarë tre persona në Ukrainë. Ambasada e Vladimir Putin në Mbretërinë e Bashkuar pretendoi në mënyrë të egër se fotot tronditëse të një gruaje të gjakosur dhe që qëndronte mes rrënojave në Mariupol, ishin të rreme.
Ajo u fotografua gjithashtu teksa po zbriste shkallët në qendrën mjekësore të bombarduar dhe në duar mbante gjërat e saj.
Pikërisht këto imazhe që tronditën botën, Rusia pretendon se janë falsifikuar, në mënyrë që të distancohet nga mizoria që po bëjnë në Ukrainë.
Në një varg postimesh të fshira në “Twitter”, ambasada e Putinit në Londër e akuzoi gruan se ishte me “makeup” dhe se po “luante” rolin e një viktime. Madje ata e quajtën gruan Marianna Podgurskaya, një blogere bukurie shtatzënë nga Mariupol.
Ndërkohë “The Sun” shkruan se është verifikuar në mënyrë të pavarur nga kontrolluesit e fakteve se Marianna është e njëjta grua e kapur në granatimet e spitalit.
Sekretarja e Kulturës në Mbretërinë e Bashkuar, Nadine Dorries e denoncoi postimin si “lajm të rremë” – dhe tani është hequr nga “Twitter”.
Por pavarësisht kësaj, në rrjetet e saj sociale të saj kanë nisur komentet mizore, duke pretenduar pa bazë se ajo është pjesë e një komploti të gjerë nga Perëndimi dhe Ukraina.
