Ish kryeministri, Sali Berisha u përgjigj lidhur me dorëheqjen e Agron Gjekmarkaj nga posti i nënkryetarit të PD, duke thënë se vazhdimisht i kishte paralajmëruar deputetët se do të zhgënjeheshin nga kryetari i PD, Lulzim Basha.
Berisha tha se Basha i kishte mashtruar duke u thënë se gjëra të tmerrshme do i ndodhnin pas shpalljes non-grata nga SHBA-të. Ndërsa shtoi se po të kishte garuar brenda anëtarësisë së PD, Basha nuk do arrinte të merrte as 2% të votave.
Ish kryeministri Sali Berisha: Unë ju kam thënë se çdo ditë do zhgënjeheshin nga ai. Ai i mashtroi ata u tha se gjëra të tmerrshme do i ndodhnin Sali Berishës. Por shqiptarët kanë një fjalë, gënjeshtra i ka këmbët e shkurtra. Secili prej atyre do të bindet se kujt i kanë qëndruar pranë. Ju garantoj se brenda anëtarësisë së PD, Lul Brava nuk do merrte as 2 apo 3%.
