Teksa numri i viktimave civile sa vjen e shtohet, zonja e parë e Ukrainës, Olena Zelenska u ka bërë thirrje medieve që të raportojnë të vërtetën e hidhur për vrasjen e fëmijëve nga ushtria e Putinit.
Një djalë 18-muajsh i quajtur Kirill u plagos për vdekje në qytetin jugor të Mariupolit pasi forcat ruse bombarduan qytetin e dytë më të madh të Ukrainës vetëm disa minuta pas një armëpushimi të rënë dakord të shtunën.
Nëna e shkatërruar e Kirill, Marina Yatsko dhe bashkëshorti i saj Fedor u panë më vonë të pikëlluar teksa përqafuan trupin e pajetë të djalit të tyre të shtrirë në një barelë, në qytetin e rrethuar.
Dhe dje, në disa nga skenat më të tmerrshme të luftës deri më tani, trupat e të vrarëve nga sulmi me raketa u panë të shtrirë të palëvizur në një rrugë, mes tyre kishte dy fëmijë.
Pranë tyre ishin valixhet e mbushura përpara asaj që ata shpresonin se do të ishte një udhëtim drejt sigurisë. Madje mes bagazheve kishte edhe një transportues kafshësh.
“Tregojuni fytyrat e këtyre fëmijëve, të cilëve nuk u është dhënë as mundësia të rriten. Sa fëmijë të tjerë duhet të vdesin për të bindur trupat ruse të ndalojnë të qëllojnë dhe të lejojnë korridoret humanitare?”– shkruajti bashkëshortja e presidentit ukrainas.
