Policia e Skraparit ka vënë në pranga dy të rinj pasi ata kanë goditur në kokë me mjetë të rënda një 63 vjeçar.
Mësohet se bëhet fjalë për shtetasit me inicialet A.I 32 vjeç dhe E.I 30 vjeç të cilët në bashkëpunim me njëri tjetrin i kanë shkaktuar dëme në kokë të moshuarit. Sipas njoftimit zyrtar të policisë 63 vjeçari ndodhet në Spitalin e Traumës në Tiranës, jashtë rrezikut për jetën.
Njoftimi i Policisë:
Poliçan, Skrapar
Nga specialistët e Seksionit për Krimet në Komisariatin e Policisë Skrapar u bë arrestimi i shtetasve A.I., 32 vjeç dhe E.I., 30 vjeç, banues në Potom, Skrapar, pasi në bashkëpunim me njëri-tjetrin dhe për motive të dobëta kanë goditur me sende të forta dhe i kanë shkaktuar dëmtime në kokë shtetasit P.I., 63 vjeç, banues në Potom, Skrapar, i cili po mer mjekim në Spitalin e Traumës Tiranë, jashtë rrezikut për jetën.
———-
Gjithashtu nga specialistët e Seksionit për Krimet në Stacionin e Policisë Poliçan u bë arrestimi në flagrancë i shtetasit V.B., 31 vjeç, banues në Poliçan, pasi në banesë ka ushtruar dhunë fizike ndaj babait të tij.
Materialet i kaluan Prokurorisë së Rrethit Gjyqësor Berat, për veprime të mëtejshme.
