Paga minimale në Kosovë, që aktualisht është 170 euro po synohet të rritet.
Ministria e Financave ka hartuar një projektligj që e mundëson këtë, por që ende nuk është publik.
Në të njëjtën kohë, sindikatat në vend po kërkojnë një pagë minimale që kapë vlerën prej 350 euro.
“Ne si BSPK, kemi kërkuar që paga minimale të fillojë e të negociohet nga shuma 350 e tutje”, thotë Atdhe Hykolli.
Sipas Hykollit çdo shumë tjetër më e ulët do të kundërshtohet.
Ndryshe nga BSPK, sindikata e punëtorëve të sektorit privat kërkon një pagë minimale më të lartë.
“Në rrethanat në të cilat jemi është një kërkesë që e kemi bërë dhe që ndoshta e ka kaluar edhe kohën, pasi që ne para një kohe kemi kërkuar që kjo pagë të jetë 400 euro”, shprehet Jusuf Azemi.
Institucionet në vend ende nuk kanë dalë me një propozim për nivelin e pagës minimale, ndërkohë që premtim i kryeministrit të Kosovë, Albin Kurti, vlera ishte 250 euro.
Me këtë rritje, sipas ligjeve në fuqi, rriten edhe pensionet e mbi 36 mijë veteranëve.
