Ish kryeministri Sali Berisha, ka deklaruar se zgjedhjet e 6 Marsit duhet të përcjellin një mesazh të fortë tek shqiptarët.
Gjatë fushatës në Dajç, ku prezantoi kandidatin për kryetar Bashkie të Shkodrës, Bardh Spahinë, Berisha u shpreh se opozita duhet të ngrihet fuqishëm.
“Ky proces zgjedhor është vërtetë lokal, por është edhe kombëtar. Është një mesazh i fuqishëm që ju dërgoni për të gjithë shqiptarët, mesazh me të cilin duhet të mbjellim shpresën.
Do të ju them dy fjalë; e përmendi dhe drejtuesi juaj. Në të gjitha ndodhitë e këtyre 8 viteve, absolutisht një përgjegjësi shumë të rëndë, ka drejtimi i PD-së. Po pse? Sepse qeveria, ka interesat e veta të mbrapshta. Qeverisë nuk i interesojnë të rrijnë në Shqipëri, ata që votojnë kundër, i intereson të rrisë borxhin në qiell, etj. Opozita është e kundërta, ajo duhet të ngrihet fuqishëm.
Pikërisht se nuk u ngrit opozita, të rinjtë nuk kishin besim dhe shpresë te PD-ja. A kishin të drejtë ata? Po, 100%’, tha Sali Berisha.
