Përdoruesit rusë të Twitter kanë shpërndarë hashtagun “notowar” duke kundërshtuar pushtimin e Ukrainws nga Rusia.
Përdoruesit e mediave sociale që flasin rusisht kanë shprehur kundërshtimin e tyre ndaj pushtimit të Ukrainës, duke përdorur hashtagun # нетвойне, ose #notowar.
Ky trend është përdorur të paktën 112 mijë herë që kur nisi pushtimi i Ukrainës nga Rusia.
Ndërkohë mediat e huaja kanë thënë se Rusia po planifikon një fushatë arrestimi pas pushtimit në Ukrainë.
Komiteti Hetues, një organ qeveritar që heton krimet e mëdha, paralajmëroi rusët për pasojat ligjore për bashkimin me protestat e paligjshme lidhur me “situatën e tensionuar politike të jashtme”.
Ai tha se po i përgjigjej thirrjeve të mediave sociale për të protestuar kundër vendimit të Putinit për të sulmuar Ukrainën.
“Duhet pasur parasysh pasojat ligjore negative të këtyre veprimeve në formën e ndjekjes penale deri në përgjegjësi penale”, thuhet në njoftim.
Ministria e Brendshme ruse tha se do të marrë “të gjitha masat e nevojshme për të siguruar rendin publik”.
Rusia ka ligje të rrepta për protestat dhe demonstratat shpesh përfundojnë me arrestime masive.
