Banorët e “5 Majit”, Paskuqanit dhe të Laprakës janë ngritur sërish ditën e sotme në një protestë përpara parlamentit,duke kundërshtuar prishjen e banesave të tyre.
Ata kërkojnë të takojnë kryetaren e Parlamentit, Lindita Nikolla, ndërsa i bëjnë thirrje policisë të lirojë 5 të arrestuarit nga përplasjet e dy ditëve më parë. Mes të arrestuarve, nënë Liza zbuloi se është dhe djali i saj, teksa lëshoi një thirrje dhe për popullin shqiptar duke i kërkuar të marrë në dorë fatin e këtij vendi.
“I bëj thirrje qeverisë, gjykatës, drejtësisë që të lirojnë fëmijët tanë. Unë e kam djalin në burg, ai është i sëmur, me tension. Unë kam vajtuar në shtëpi, si mund të rrijë nëna pa birin?! Ti lirojnë të arrestuarit. As në Afganistan nuk e kanë bërë kështu. I bëj thirrje rinisë, popullit shqiptar, që të hapë sytë dhe veshët, dhe të marrë në dorë fatin e këtij vendi.”-tha ajo.
Banorët theksojnë se do vazhdojnë të kundërshtojnë projektin e “Unazës së Madhe”, i cili sipas tyre nuk është fillestari por ka ndryshuar .
