Sekretarja e jashtme e Britanisë së Madhe, Liz Truss ka kërkuar nga ekipet angleze ta bojkotojnë finalen e Ligës së Kampionëve nëse mbahet në Rusi.
Manchester United, Liverpool, Manchester City dhe Chelsea janë në fazën e 1/8 së finales së garës më prestigjioze evropiane.
Finalja e këtij edicioni të Ligës së Kampionëve është caktuar të zhvillohet më 28 maj në Shën Petersburg të Rusisë, por kjo mund të ndryshojë për shkak të eskalimit të situatës në Ukrainë
Truss mendon se ekipet angleze duhet të dalin kundër zhvillimit të finales së Champions Leagues në Rusi.
“Nëse do të isha në një ekip anglez, do ta bojkotoja. Personalisht nuk do të doja të luaja një ndeshje në Shën Petersburg, duke marrë parasysh se çfarë po bën regjimi i Putinit”, u shpreh ajo.
