Kryetari i shkarkuar Lulzim Basha ka ndarë disa momente nga tryeza për reformën territoriale.
Megjithëse Basha e ka bojkotuar më herët këtë reformë pa arsye, tashmë i është rikthyer pas votës pro në Kuvend, ndërsa e konsideron edhe si një mundësi të jashtëzakonshme duke u zotuar se PD do t’i prijë këtij procesi.
“Ngritja e komisionit për Reformën Territoriale është një hap i rëndësishëm dhe një mundësi e jashtëzakonshme për të vendosur vetëqeverisjen venre në shërbim të njerëzve. Partia Demokratike do t’i prijë këtij procesi, dhe duke dëgjuar zërin e qytetarëve në çdo skaj të vendit, në bashkëpunim me ekspertët më të mirë të fushës dhe me mbështetjen e partnerëve, do hartojmë një reformë që u shërben qytetarëve, jo partive. Kjo tryezë e parë në Tiranë është një fillim i mbarë dhe një zotim i mbajtur nga Partia Demokratike, që sot u ka dhënë qytetarëve instrumentin për të rifituar autonominë në vetëqeverisjen vendor”, shkruan Basha në reagimin e tij.
