Gjykata e Lezhës ka dhënë sot masën e sigurisë arrest me burg për Edmond Përdodën, i akuzuar për vrasjen e dyfishtë në Lezhë.
Përdoda që ra në prangat e policisë të premten e kaluar akuzohet për vrasjen Preng Simonit dhe Kol Murranit në Lalm të Lezhës.
Më herët në lidhje me ngjarjen policia ka arrestuar edhe vëllain e tij Aleksander Përdoda.
Ngjarja e rëndë ndodhi në 27.04.2020, në fshatin Lalm i Ri, Lezhë, ku mbetën të vrarë shtetasit Kol Murrani dhe Preng Simoni ndërsa autorë janë pikërisht vëllezërit Përdoda.
Murrani dhe Simoni u ekzekutuan me breshëri plumbash teksa ishin kthyer në vendilindjen e tyre. Trupat u gjetën të pajetë nga djali i njërit prej viktimave.
Vrasja e dyfishtë dyshohet se është kryer për motive pronësie, dhe tashmë dy vëllezërit do të përballen me akuzat.
