Vetëm pak ndeshje i kanë mjaftuar Jonathan David për të fituar zemrat te Atletico Madrid dhe për të bindur drejtuesit e klubit për të blerë përfundimisht kartonin e tij. I ardhur në Madrid në ditën e fundit të merkatos si huazim deri në përfundim të sezonit, David shfrytëzoi rastet që i dha trajneri Diego Pablo Simeone, sidomos pas problemeve me gjendjen e Julian Alvarez dhe dëmtimit të Alexander Sorloth.
Në La Liga ai ka shënuar 3 gola dhe ka dhënë 2 asist në 6 ndeshje, tregues të një integrimi të shpejtë në skemat e ekipeve. Pasi Atletico fitoi 2-0 ndaj Manchester United në Ligën e Kampioneve, Simeone theksoi impaktin e sulmuesit në skuadër: “Pati një impakt të madh te skuadra. David ka diçka që më parë nuk e kishim, është një sulmues që lëviz në mënyrë natyrale në të djathtë dhe që bën një punë të madhe edhe në aspektin difensiv për skuadrën.”
Sipas të përditshmes spanjolle Relevo, Atletico Madrid po e konsideron seriozisht ushtrimin e së drejtës për blerjen përfundimtare të kartonit të David, për të cilën ka arritur akordin me Juventusin. Klubi ka përfshirë në planet financiare fondet e nevojshme dhe do të tentojë të negociojë disa detaje me skuadrën italiane. Shifra e përmendur për blerjen e kartonit është 25 milionë euro.
Derisa të formalizohet blerja përfundimtare, kartoni i futbollistit mbetet në pronësi të Juventusit, që është në pritje të zhvillimeve të operacionit. Sipas njoftimit, klubi bardhezi e sheh këtë lëvizje si një operacion që mund të ndikojë pozitivisht në strategjitë e ardhshme të merkatos së tij.
