Protestë tetë orëshe e dhunshme zhvilloi në Tiranë, me përplasje të përsëritura me policinë dhe dëme të shumta materiale. Tubimet u zhvendosën nga pika në pikë të kryeqytetit, ndërsa protestuesit sulmuan ndërtesa institucionale, biznese dhe banka; policia ndërhyri në disa raste me autobotë me ujë me presion dhe gaz lotsjellës për t’i shpërndarë.
Dhuna nisi pranë Ministrisë së Arsimit, ku godina u godit me gurë dhe u dukni zjarre brenda ambienteve. Të rinj me fytyra të mbuluara shkulën kangjellat e trotuareve, i grumbulluan dhe përdorën si mjet për të goditur hyrjen e institucioni. Përplasjet vazhduan përgjatë Rrugës së Durrësit, ku u dëmtuan disa biznese private dhe u dogj një bankë private e nivelit të dytë.
Protestuesit marshuan drejt Sheshit “Skënderbej”, duke vënë flakën stolave dhe kazanëve të mbeturinave. Një tjetër vatër e dhunës u shënua te Ministria e Ekonomisë: protestuesit hynë në katin e parë, shkulën dyer, thyen xhama dhe nxorrën orenditë jashtë. Sulme goditën edhe Ministrinë e Brendshme, ku u thyen xhama të godinës.
Grupet u ndanë më pas, njëra në Sheshin “Skënderbej” dhe tjetra pranë Ministrisë së Ekonomisë, dhe më tej u zhvendosën përgjatë Bulevardit “Dëshmorët e Kombit”, ku vazhduan sulmet ndaj ndërtesave. Në zonën e Piramidës u thyen xhama, u shkatërruan dhe u dogjën pjesë të ambienteve; edhe atje u sulmua një tjetër bankë private e nivelit të dytë.
Protestuesit arritën deri te hyrja anësore e Kryeministrisë, ku u dogjën pemët; më pas u hodhën drejt ndërtesës së Kryesisë së Kuvendit, ku tentuan të futeshin brenda. Në dy godinat e njohura si “Kullat Binjake” u shkatërruan dhe u dogjën bizneset që ndodhen në katin e parë.
Gjatë orëve të protesta, policia ndërhyri në disa vatra të tensionit me ujë me presion dhe gaz lotsjellës. Raportohet gjithashtu shtim i forcave të policisë pranë Ministrisë së Ekonomisë dhe shoqërim forcërish i një protestuesi. Mediat raportuan gjithashtu se policia u detyrua të tërhiqet në disa momente dhe se tensionet përshkallëzuan me flakëvënien e pemëve pranë Kryeministrisë.
