Një ditë më parë Monika Lubonja njoftoi në Instagram se ka bërë kallëzim kundrejt kompozitorit Adrian Hila për videot intime të publikuara në rrjet, duke e denoncuar për fyerje dhe ndërhyrje të padrejtë në jetën private.
Avokati Kujtim Cakrani, i ftuar në emisionin “Shqipëria Live” me Sidorela Gjonin, shpjegoi se sipas denoncimit të bërë nga Lubonja, Adi Hila nuk rrezikon dënim me burg. Ai tha se akuzat e paraqitura në Gjykatën e Dhomës Penale Tiranë përbëjnë kundravajtje penale dhe se në këtë rast mund të shqiptohet vetëm gjobë, si dhe se çështja përfshin kryesisht dëmtim imazhi. Cakrani shtoi se zonja Lubonja mund ta ndiqte çështjen edhe në rrugë civile për të kërkuar dëmshpërblim moral për shkak të dëmit të imazhit të saj.
Sipas avokatit, Hila mund të dënohet me gjobë deri në 3 milionë lekë pas përfundimit të procesit gjyqësor, por nuk parashikohet faj penal që të rrezikojë dënim me burg. Cakrani përmendi gjithashtu se që nga viti 2025 Hila ka hapur një rrjet të vetin ku ka publikuar video të shkurtra intime me pagesë.
Avokati deklaroi se Hila ka qenë i vetëdijshëm për regjistrimet dhe se ka bërë prerje të videove për përfitim, duke theksuar se askush nuk ia ka vjedhur materialet. Ai vuri në dukje të drejtën e të akuzuarit për t’u mbrojtur, por nënvizoi nevojën e një hetimi të thelluar për të zbuluar bashkëpunëtorët: kush ka bërë regjistrimet, prerjet dhe kush ka patur dijeni për shpërndarjen. Cakrani tha se materialet janë organizuar dhe shpërndarë në faqe pornografike dhe janë shitur për përfitime, ndaj Prokuroria duhet të sqarojë identitetin e personave që e kanë ndihmuar dhe që kanë patur dijeni për veprimtarinë.
(Burimi: Top Channel)
