Ministrja e Ekonomisë dhe Inovacionit, Delina Ibrahimaj, njoftoi pas mbledhjes së Këshillit të Ministrave se qeveria ka diskutuar gjerësisht për prokurimet publike dhe nevojën për një sistem më të qëndërzuar dhe transparent. Si pjesë e këtyre masave është iniciativa “Paqyrë Albania”/“PasqyraAlbania”, përmes së cilës qytetarët do të kenë akses në informacion të detajuar mbi prokurimet publike, përfshirë jo vetëm listën e prokurimeve dhe përfundimin e tyre, por edhe zbatimin e kontratave. Ibrahimaj tha se planifikohet të përfshihet një sistem inteligjence artificiale në prokurimet publike, me fillim të procedurave të përdorimit brenda vjeshtës së këtij viti, dhe se janë në fazat përfundimtare për finalizimin e detajeve.
Në kuadër të riorganizimit të prokurimeve u prezantua një model ku Operatori i Blerjeve të Përqendruara (OBP) do të ketë rol më të madh në kryerjen e proceseve, dhe do të ketë sinkronizim midis sistemeve të Ministrisë së Financave, Agjencisë së Prokurimit Publik, OBP-së dhe sistemeve të zbatimit të kontratave, deri te sistemet e fiskalizimit. Qëllimi i këtyre ndërveprimeve është që fondet publike të jenë të gjurmueshme, të kontrollueshme dhe transparente në çdo moment për të gjithë palët e interesuara.
Ministri i Infrastrukturës dhe Energjisë, Enea Karakaçi, njoftoi disa projekte dhe marrëveshje të miratuara pas të njëjtës mbledhje. Mes tyre është marrëveshja me Francën për rehabilitimin e ujësjellësit dhe kanalizimeve të Durrësit, projekt me vlerë 118 milionë euro, që përfshin edhe zgjerimin e impiantit të trajtimit të ujrave të ndotur. Karakaçi raportoi gjithashtu lajm nga Bashkimi Europian për alokimin e një granti prej 50 milionë euro për zonat Porto Romano, Spitallë dhe Shkozet.
Një projekt tjetër i miratuar synon përmirësimin e tubacioneve të ujësjellësit të Tiranës dhe instalimin e matësve inteligjentë. Ministria pret të marrë grant mbi 50% të fondeve të nevojshme për këto investime. Po ashtu është miratuar një projekt për efikasitetin e energjisë në 50 shkolla publike, me rehabilitimin e tyre dhe pajisjen me sisteme kapot dhe panele diellore, vlerë e projektit 22 milionë euro.
