Kreu i Partisë Demokratike, Sali Berisha, në fjalën e tij në Kuvend bëri akuza të ashpra lidhur me qëndrimet e institucioneve ndaj ish-kreut të SHISH, Vlora Hyseni. Ai deklaroi se “Parlamenti duhet të zhduket sa më parë, pasi shkelmon çdo interes të shqiptarëve” dhe e përshkroi atë si “një institucion turpi” që, sipas tij, shërben “në veprime absolute narko-regjimit, narko-shtetit, të parit dhe të vetëm në Europë, padrinos së Shqipërisë.”
Berisha akuzoi se “piramida e sigurisë” së qytetarëve është kthyer në “piramidë e narkoshtetit e krimit, e karteleve të drogës” dhe kritikoi mungesën e debateve në Parlament për “goditjen fatale përfundimtare të shtetit shqiptar nga narkoshteti, asgjësimin përfundimtar të shtetit shqiptar nga narkoshteti i Ramës.” Ai tha se deputetët, në vend që të marrin në shqyrtim këto çështje, shfaqin “lot krokodili” për qytetarë që, sipas tij, i përçmojnë dhe i vjedhin, ndërkohë që mbrijnë dhe mbrojnë qeveritarët e përfshirë.
Duke kritikuar ashpër sjelljen e parlamentit, Berisha u shpreh: “Nuk ka patur kurrë një parlament të shpërfytyruar, si ky parlament.” Ai akuzoi pjesëtarë të parlamentit si “avokatë të akteve të tilla” dhe shprehu pohimin se “vetë një pjesë e juaj është anëtare bandash,” duke i bërë thirrje që tani po bëhen avokatë edhe të Vora Hysenit. Në lidhje me SHISH, Berisha theksoi se “SHISH-i është një institucion, jo person” dhe akuzoi se “Shefen e shërbimit informativ e rekrutojnë mafiet,” duke pyetur retorikisht “Ku e gjeni ju këtë moral?”
Ai përmbylli sulmin e tij ndaj Kuvendit duke përdorur frazën “Skllevër të padrinos, ky parlament duhet të zhduket sa më parë, jo përfaqëson, por shkelmon çdo interes të shqiptarëve,” dhe iu drejtua pjesës socialiste në sallë me urdhrin: “Pusho, mos fol ti atje. Lëri ato qëndrime histerike.”
