Pas reagimit të parë publik, Blerina Matraku ka dalë sërish në rrjetet sociale për të folur mbi situatën e krijuar pas publikimit të videove intime me kompozitorin Adrian Hila. Në mesazhin e saj të dytë, artistja shpreh pendesë për dhimbjen e shkaktuar dhe kërkon falje, duke iu drejtuar veçanërisht Klaudias, bashkëshortes së Hilës, dhe vajzave të tij.
Matraku pranon se ka gabuar dhe se duhet të mbajë përgjegjësi për veprimet e saj. Ajo thotë se nuk mund të ndalë dot lotët dhe përjeton një dhimbje që, sipas saj, ka kaluar çdo kufi njerëzor. Në reagim theksohet edhe se e ka përjetuar jetën dhe karrierën pa mbështetje, dhe se shumë nga fjalët e saj të mëparshme kanë qenë të ekzagjeruara.
Në një pjesë të mesazhit, Matraku sqaron identitetin e saj artistik, duke shkruar se nuk është “këngëtare e studiove të tëra”, por një artiste që ka ndërtuar rrugëtimin përmes vështirësive dhe punës. Ajo përsërit kërkesën për mirëkuptim dhe falje ndaj personave që janë prekur emocionalisht nga ngjarjet, veçanërisht ndaj familjes së Adrian Hilës.
Duke iu drejtuar konkretisht Klaudias dhe vajzave të saj, Matraku kërkon falje për dhimbjen që mund t’u ketë shkaktuar. Në mesazhin e publikuar shfaqet edhe fjalia: “Lotët e çdo gruaje, apo vajze, o Zot lotët e çdo fëmije, lotët e nenës time, të Klaudias…”, e cila nënvizon tonin e pendesës dhe tronditjen që ajo thotë se po përjeton.
Reagimi i dytë ka ardhur pak kohë pas deklaratës së parë të Matraku, ku ajo u ka bërë apel publikut që videot intime të mos shpërndahen më dhe ka kërkuar respekt për privatësinë e saj. Në fund të mesazhit të ri, artistja përsërit pranimin e përgjegjësisë dhe thekson se dhimbja që po përjeton është jashtë përmasave dhe se nuk di më si ta ndalë atë.
