I ftuari i parë i edicionit të ri të emisionit “Goca dhe Gra” ishte aktori Agron Llakaj, i cili gjatë bisedës me katër bashkëmoderatore komentoi videot intime të personazheve publikë që po qarkullojnë në rrjetet sociale. Llakaj tha se ngjarja kalon parametrat e diskutimit të zakonshëm dhe shprehu vështirësi për t’u shprehur për shkak të njohjes me personat e përfshirë: “Kam konflikt interesi se i njoh personat, është jashtë çdo imagjinate”, u shpreh ai, duke shtuar se nuk do të dëshironte që një koment i tij të zinte vend në emision. Ai i përshkroi materialet si “jashtëzakonshme, shumë e rëndë” dhe përfundoi me frazën “no coment”.
Aktori shprehu gjithashtu një qëndrim më të përgjithshëm për sjelljen e publikut ndaj këtyre çështjeve, duke thënë se është “anti-popullor” dhe se shqiptarët, sipas tij, janë “një popull i nevrikosur” që lind për të sharë. Për të ilustruar presionin social, Llakaj përmendi eksperiencën e tij me postime në rrjetet sociale: “Po deshe provo dhe hidh në ‘Instagram’ dhe ‘Facebook’, shko në plazh, hidh një foto me familjen dhe thua ‘sa ditë e bukur’, të vijnë mesazhe ‘ça thua ti, njerëzit nuk kanë për të ngrënë’.” Ai tha se dyshonte nëse duhej të postonte diçka dhe tregoi se një postim që bëri në drekë mori reagimin e vajzës së tij, e cila e telefonoi për ta hequr.
Llakaj përmendi gjithashtu një ndjenjë që e pati në puntatën e “Portokalli” dhe tha se fëmijët shpesh i udhëheqin prindërit në vendimmarrje: “Ishte një ndjenjë që më ndodhi në ‘Portokalli’ dhe e hodha. Vjen një moment që fëmijët na udhëheqin.”
Përtej komentit rreth rasteve konkrete, aktori i dha publikut një mesazh për sjellje më të dashur: “Më shumë ka urrejtje se dashuri, jetën një herë na e jep Zoti, falni më shumë dashur, mirësi, larg urrejtjes thotë Aurela Gaçe”, u shpreh Agron Llakaj.
