Kompania e informacionit AIM zhvilloi një anketim elektronik me 1,234 qytetarë të rritur nga i gjithë vendi, të përzgjedhur rastësisht dhe kolauduar statistikisht për të përfaqësuar popullsinë e rritur sipas parametrave demografikë, gjeografikë, arsimorë dhe politikë. Marzhi maksimal i gabimit statistikor është ±2.8%.
Pyetja kryesore e sondazhit ishte: “Çfarë tregon për korrupsionin numri i madh i padive penale të SPAK-ut?” Sipas rezultateve, mbi 55% e të anketuarve vlerësuan se numri i madh i padive tregon se korrupsioni është goditur në Shqipëri, ndërsa mbi 43% menduan se ai është tregues i rritjes së korrupsionit. Rreth 1.5% rezultuan të dyzuar. Midis respondentëve që mendonin se korrupsioni është goditur, shumica ishin votues të vjetër socialistë, por pati gjithashtu një përqindje të konsiderueshme mosvotuesish dhe votuesish të partive të vogla. Ata që interpretonin numrin e madh të padive si shenjë të rritjes së korrupsionit ishin në shumicë votues të vjetër të PD-ASHM-së dhe disa votues të partive të vogla.
Një tjetër pyetje e sondazhit ishte: “Çfarë reagimi donit nga Kryeministri Rama pas arrestit shtëpiak të Vlora Hysenit?” Rezultatet tregojnë se 40% e të anketuarve vlerësuan se Kryeministri Rama bëri reagimin e duhur. Rreth 8% menduan se ai duhej të kërkonte falje publike, ndërsa thuajse 8% menduan se ai duhej të jepte dorëheqjen si kryeministër. Mbi 44% e të anketuarve mendonin se Rama duhej të shpallte zgjedhje të parakohshme. Nga ana e përkatësisë elektorale, ata që mendojnë se reagimi ishte i duhur ishin në shumicë dërrmuese votues të vjetër socialistë. Personat që kërkonin falje publike apo dorëheqje kryesisht ishin mosvotues të vjetër. Së fundi, ata që kërkonin zgjedhje të parakohshme kishin në shumicë votues që më parë kishin votuar për PD-ASHM ose për parti të vogla. Grafiket e sondazhit ilustrojnë këto rezultate.
