Kosova u mposht 3-1 nga Austria në ndeshjen e dytë të Nations League. Trajneri i Kosovës, Franco Foda, vlerësoi se humbja erdhi si pasojë e disa gabimeve të skuadrës që u shfrytëzuan nga austriakët, duke përmendur veçanërisht rastet në minutat përpara mbylljes së pjesës së parë. Skuadra nisi mirë dhe pati një rast të mirë shënimi që duhej të ishte avantazh për ta, por menjëherë pas kësaj erdhi goli për 2-0 që ndryshoi rrjedhën e takimit. Sipas Fodës, Schlager kaloi zonën e tij të rreptësisë përmes mesfushës së Kosovës dhe dha një pasim të thellë për Ëimmerin, i cili shpesh bëjnë vrapime pas shpinës së mbrojtjes — në atë moment mbrojtja e Kosovës nuk funksionoi mirë. Pas golit të dytë, Kosova pati një tjetër mundësi të madhe për ta ngushtuar rezultatin në 2:1, por nuk e shfrytëzoi, dhe disa minuta më vonë pësuan edhe golin e tretë.
Foda theksoi se pavarësisht rezultatit, skuadra nuk u dorëzua dhe tentoi vazhdimisht të ndryshonte rezultatin deri në fund të ndeshjes. Nga ana statistikore, sipas tij, ndeshja ishte e baraspeshuar, por dallimi qëndronte në mënyrën se si Austria shfrytëzoi gabimet e Kosovës. Skuadra austriake ndëshkoi menjëherë humbjet e thjeshta të topit dhe përfitonte nga dinamikat, shpejtësia dhe vrapimet në thellësi, duke bërë tranzicion shumë të mirë nga mbrojtja në sulm. Po ashtu, Foda vuri në dukje se Austria u mbrojt mirë në fazën defensive.
Në ndeshje, Kosova arriti shpesh deri në pjesën e fundit të fushës, por nuk arriti të shfrytëzonte siç duhet harkimet në atë zonë. Përmbledhtas, trajneri identifikoi si arsye kryesore të humbjes mosmbrojtjen e duhur në situatat e vrapimeve pas mbrojtjes dhe humbjet e lehta të topit që u kthyen në gol nga kundërshtari. Top Channel.
