Anglia do të përballet me Spanjën në ndeshjen e parë të Nations League, dhe kapiteni Harry Kane foli para këtij dueli, duke vlerësuar lart skuadrën kampione të botës, por duke theksuar nevojën për të ruajtur identitetin e Tre Luanëve. Kane tha se në Spanjë ekziston një kulturë loje të formuar që nga fëmijëria, ndërsa në Angli nuk ndodh kështu, por shtoi se kjo nuk do të thotë se skuadra e tij nuk mund të luajë nën presion apo të mbajë zotërimin e topit. Ai përmendi se Anglia ka futbollistë teknikë të shkëlqyer, por edhe pika të forta që Spanja nuk i ka: fizikun, shpejtësinë dhe fuqinë. Mënyra si ushtrojnë presion dhe fitojnë duelet e lidh me stilin e Premier League, dhe, sipas Kane, në momentin e duhur Anglia i kombinon këto elemente, prandaj nuk duhet të luajë si Spanja por të mbajë identitetin e vet.
Kane tha gjithashtu se Anglia mund të marrë mësime nga Spanja, duke vënë në dukje se luajnë ndaj “ekipit më të mirë në botë në 3 vitet e fundit”, por se diferenca nuk është e madhe. Një fitore do të rrisë besimin për ndeshjet e Nations League dhe për Evropianin; për të fituar turne të rëndësishëm duhet të luash ndeshje të tilla. Ai shprehu kënaqësinë për të luajtur në Wembley dhe preferencën për ndeshjet me peshë.
Në prag të debateve për Topin e Artë, Kane e konsideroi këtë vit si mundësinë e tij më të mirë për ta fituar trofeun, duke vlerësuar sezonin si më të mirë të tij në aspekt kolektiv dhe individual. Ai tha se do të ishte diçka e pabesueshme dhe se ndihet mirë, por se duhet të presë edhe një muaj për vendimin dhe që tani do të përpiqet të ndihmojë skuadrën kundër Spanjës.
Në konferencën për shtyp u përmendën edhe bisedimet për rinovimin me Bayernin e Mynihut. Kane tha se bisedimet po shkojnë mirë, po avancojnë në mënyrë korrekte dhe të dyja palët janë të qeta; ai është i kënaqur në klub dhe shpreson të arrihet marrëveshje, duke shtuar se për momentin fokusi i tij është te Anglia dhe vendimi mund të vijë brenda një muaji.
