Këshilli i Ministrave miratoi të premten ndryshime në drejtimin e disa institucioneve publike. Oltjon Muzaka është liruar nga detyra e zëvendësministrit të Shëndetësisë dhe Mirëqenies Sociale dhe emëruar zëvendësministër i Punëve të Brendshme. Në krye të Agjencisë së Trajtimit të Koncesioneve është emëruar Ina Zeqaj, duke zëvendësuar Emiljano Gjikën, i cili është liruar nga kjo detyrë.
Sipas njoftimit zyrtar të Kryeministrisë, vendimet e miratuara përfshijnë: lirimin nga detyra të z. Emiliano Gjika si kryetar i Agjencisë së Trajtimit të Koncesioneve; emërimin e znj. Ina Zeqaj si kryetare e kësaj agjencie; dhe lirimin e z. Oltjon Muzaka nga detyra e zëvendësministrit të Shëndetësisë dhe Mirëqenies Sociale dhe emërimin e tij si zëvendësministër i Punëve të Brendshme.
Teksti bën të ditur se Muzaka ka një përvojë të mëparshme në administratën shtetërore. Midis viteve 2014 dhe 2016 ai ka punuar si jurist pranë Kryeministrisë, në Departamentin e Legjislacionit, Monitorimit të Programeve dhe Antikorrupsionit. Pas kësaj, ka mbajtur disa detyra në ministri të ndryshme: ka qenë Drejtor i Përgjithshëm në Agjencinë për Zhvillimin Bujqësor dhe Rural në periudhën 2023–2024; ka shërbyer si Sekretar i Përgjithshëm në Ministrinë e Bujqësisë dhe Zhvillimit Rural në vitet 2021–2023; ka pasur detyrën e Sekretarit të Përgjithshëm në Ministrinë e Financave dhe Ekonomisë në vitet 2020–2021; më parë ka qenë Sekretar i Përgjithshëm në Ministrinë e Arsimit, Sportit dhe Rinisë në vitet 2019–2020; dhe ka shërbyer gjithashtu si Sekretar i Përgjithshëm në Ministrinë e Kulturës në periudhën 2017–2019.
Në mbledhjen e qeverisë është konfirmuar lirimi i Emiljano Gjikës si kryetar i Agjencisë së Trajtimit të Koncesioneve dhe emërimi i Ina Zeqajt në këtë post, si dhe ndryshimi i detyrës së Oltjon Muzakës nga zëvendësministër i Shëndetësisë dhe Mirëqenies Sociale në zëvendësministër të Punëve të Brendshme. Top Channel.
