Një 51-vjeçar me origjinë shqiptare ka humbur jetën në një aksident në punë në Padova të Italisë. Viktima është identifikuar si Altin Kokici, pronar i një kompanie ndërtimi dhe banues në provincën e Vicencës. Kokici u gjet i pajetë në hapësirën e ashensorit të një godine në rikonstruksion, ku po kryente punime.
Ngjarja ndodhi në një kantier ndërtimi në via Goito, në Padova. Familjarët, të shqetësuar pasi ai nuk ishte kthyer në shtëpi dhe nuk përgjigjej në telefon, njoftuan policinë pas disa orësh. Fillimisht vendndodhja e tij u përcaktua përmes sinjalit të celularit. Kur agjentët arritën në kantier, gjetën edhe furgonin e Kokicit me kasën e hapur.
Policia lokalizoi telefonin e shqiptarit dhe më pas telefonoi në numrin e tij; duke ndjekur tingullin e telefonit, efektivët arritën të përcaktonin se ai ndodhej në hapësirën e ashensorit, ku më pas u gjet trupi i pajetë. Sipas autoriteteve italiane, Kokici dyshohet të ketë rënë në hapësirën e ashensorit, duke humbur jetën nga rënia.
Në vendngjarje mbërritën ekipe të urgjencës, zjarrfikësit, policia shkencore dhe strukturat e tjera të policisë. Autoritetet kanë nisur hetimet për të përcaktuar rrethanat e sakta të ngjarjes dhe për të kuptuar si ndodhi rënia. Hetimet synojnë të sqarojnë nëse bëhet fjalë për një aksident në punë dhe rrethanat operative që çuan në ngjarje.
Nga informacionet e deritanishme rezulton se Kokici po kryente punime rikonstruksioni në godinë dhe se vendndodhja e tij u vendos fillimisht përmes sinjalit të celularit të tij, çka çoi policinë në kantierin ku u dokumentua edhe pranisë së automjetit të tij. Autoritetet vazhdojnë veprimet hetimore në vendngjarje për të mbyllur hetimin dhe për të përcaktuar përgjegjësitë eventuale.
