Kartolina e fundit nga Madridi, me anët e zverdhura nga koha, ruhet në banesën e Cristian Chivut dhe i kujton familjes dhe të ftuarve atë që ka arritur lojtari nga Reșița e Rumanisë. Kthimi i trajnerit zikaltër në Bernabeu paraqitet si një bashkim kujtimesh: më 22 maj Chivu luajti si titullar në finalen e Champions League kundër Bayernit, dhe këtë të martë do të përballet me Jose Mourinhon për herë të parë si kundërshtar. Më poshtë pesë momentet kyçe që lidhin Mourinhon dhe Chivun.
“Gjyshja ime vrapon më shumë” – Pas ndeshjes Atalanta–Inter në janar 2009, kur Chivu u zëvendësua pas gjysmë ore, Mourinho gjatë analizës i tha se “Gjyshja ime do të kishte vrapuar më shumë…”. Atmosfera u bë serioze; Chivu, që më vonë kuptoi se kritika ishte për të nxitur performancën, rrëfeu se Mourinho i premtoi se në ndeshjen pasardhëse do të luante titullar si qendërmbrojtës.
Lojtar krahu në Barcelonë – Më 28 prill 2010, në kthimin e gjysmëfinales së Champions League në Camp Nou, pas përjashtimit të Thiago Motta, Chivu u vendos si lojtar krahu para Zanettit. Interi humbi 1-0, por kualifikohej për në finale. Mourinho përshkroi atë ndeshje si “humbjen më të bukur të karrierës sime”.
Në pankinë në Sienë – Në maj 2010, në sfidën vendimtare për titull ndaj Sieneës, Mourinho vendosi ta ruante Chivun për finalen e Champions League në Bernabeu. Fillimisht i pakënaqur, Chivu më pas pranoi vendimin; ai u aktivizua 15 minuta para fundit për të ndihmuar në sigurimin e titullit.
Profecia për Robben – Gjatë përgatitjeve për finalen me Bayernin, Mourinho i parashikoi Chivut se do ta ndjekë Robben dhe do të marrë karton të verdhë, ndaj do të vendoste Zanettin në krah të majtë dhe do ta zëvendësonte Chivun rreth minutës së 80. Gjithçka u realizua: Chivu mori të verdhën dhe u zëvendësua në minutën e 79. Pas finales, ai tregoi se kishte shkuar në banjë për të ndezur një cigare çliruese.
Përplasja me Pellissier – Më 6 janar 2010, në përballjen Chievo–Inter, Chivu pësoi një përplasje serioze me Sergio Pellissier dhe më pas nisi të luante me kaskën mbrojtëse. Rikthimi i tij kundër Livornos, rreth katër muaj më vonë, erdhi me mbështetjen e Mourinhos, i cili kontaktonte shpesh dhe interesonte për datën e rikthimit, ndërsa lista e Champions League ishte në përgatitje.
