Pavarësisht fluksit të madh të turistëve që vizitojnë Kalanë e Gjirokastrës, Muzeu i Armëve brenda saj ka regjistruar vetëm rreth 18 mijë vizitorë. Kjo shifër qëndron në kontrast të fortë me numrin total të vizitorëve të Kalasë, që arrin mbi 220 mijë, dhe tregon një diferencë të konsiderueshme mes atyre që hyjnë në kompleksin monumentit dhe atyre që zgjedhin të vizitojnë ekspozitën e armëve brenda tij.
Diferenca e madhe mes dy shifrave ngre pikëpyetje mbi aksesin e turistëve në këtë hapësirë muzeale. Një prej problematikave të evidentuara është pagesa e veçantë e biletës për Muzeun e Armëve. Për turistët, kjo nënkupton një kosto shtesë, pasi hyrja në muze nuk përfshihet në biletën e Kalasë. Si pasojë, shumë vizitorë që hyjnë në Kalë mund të mos zgjedhin të paguajnë tarifën shtesë për të parë koleksionin e armëve, edhe pse ky muze ndodhet brenda hapësirave të monumentit.
Situata duket se po ndikon në numrin e vizitorëve të Muzeut të Armëve, pavarësisht vendndodhjes së tij brenda një prej monumenteve më të vizituara të qytetit. Me mbi 220 mijë vizitorë në Kala, vetëm një pjesë e vogël e tyre zgjedhin të paguajnë edhe për të vizituar muzeun, duke përkthehet në një diferencë të dukshme midis frekuentimit të Kalasë dhe atij të muzeut brenda saj.
Çështja e tarifimit për Muzeun e Armëve identifikohet si një nga faktorët që kërkon rishikim në të ardhmen. Rishikimi i modelit të biletimit për këtë hapësirë muzeale përmendet si e nevojshme për të rritur aksesin dhe vizitueshmërinë e muzeut, duke u mundësuar një numër më të madh vizitorësh të shohin koleksionet pa u përballur me pagesa shtesë përveç biletës së Kalasë. Top Channel.
