Gonçalo Ramos shpreh dëshirën që aventura e tij te Milani të shoqërohet me trofe, duke vendosur si objektiv kryesor për sezonin fitimin e titullit në Itali. Sulmuesi portugez tha se për të, një sezon pozitiv do të ishte ai në të cilin Milani shpallet kampion: “Do të jetë një sezon pozitiv për mua nëse fitojmë Scudetton”, deklaroi në një intervistë për DAZN. Ai shprehu gjithashtu gatishmërinë për të përballuar presionin dhe faktin se shpenzimet e bëra nga klubi tregojnë besim ndaj tij: “Nuk mendoj se sa jam paguar. Nëse kanë shpenzuar kaq shumë, do të thotë se kanë besim tek unë. Më pëlqen presioni; dua të bëj diçka magjike për këtë klub.”
Ramos ka nisur rrugëtimin te Milani me një gol në debutim në “San Siro” kundër Venezias, megjithëse përpara këtij goli kishte humbur disa raste. Sulmuesi theksoi rëndësinë e mosndaljes te gabimet personale, duke thënë se nëse mendon vazhdimisht për gabimet nuk mund të ndihmosh ekipin dhe të shënosh sërish: “Nëse mendon për gabimet e tua çdo herë, nuk mund ta ndihmosh ekipin dhe të shënosh golin e radhës.”
Ai komentoi edhe fanellën me numrin 9, e cila në vitet e fundit është parë si peshë për disa sulmues të Milanit. Ramos mohoi ekzistencën e një “mallkimi” të tillë dhe e konsideroi të veshur numrin 9 si një nder: “Mallkimi i fanellës me numër nëntë? Nuk mendoj për këtë. Nuk ishte problem për Giroud. Të veshësh këtë numër është një nder, jo problem.”
Si ish-lojtar i PSG-së dhe Benficës, Ramos përmendi gjithashtu një detaj nga transferimi i tij: trajneri Ruben Amorim e telefonoi ndërsa ai ishte në Kupën e Botës. Ai tha se do ta kujtoj gjithmonë atë telefonatë, por se kishte qenë tashmë i bindur për të ardhmen e tij në Milano.
