Luciano Spalletti po përballet me një fillim sezoni të vështirë te Juventusi për shkak të një vale dëmtimesh që rezultojnë më të komplikuara se sa pritej. Mes problemeve më të shpeshta është mungesa e disa lojtareve kyç: për Kenan Yildiz pritet një rikuperim prej rreth tre muajsh, ndërsa Ekhator do të mungojë për disa javë më pak. Më shqetësuese për trajnerin toskan është gjendja e Kephren Thuram, për të cilin nuk ka alternativë tjetër përveç operacionit.
Operacioni i Thuram do të kryhet të enjten në Lyon, nën kujdesin e të njëjtit specialist që trajtoi edhe gjurin e Bremer, Dr. Bertrand Sonnery Cottet. Babai i mesfushorit, Lilian Thuram, është i angazhuar në përgatitjet për ndërhyrjen kirurgjikale. Kephren po përballet me sindromen femoro-rotulea që nga fundi i sezonit të kaluar; kjo gjendje shkakton dhimbje në pjesën e përparme të gjurit ose rreth kupës së gjurit.
Përpjekjet me terapi konservative, që në fillim dukeshin si zgjidhja më e favorshme, kanë rezultuar të pamjaftueshme për zbutjen e simptomave. Dhimbjet e vazhdueshme e kanë mbajtur Thuram jashtë fushave gjatë gjithë ndeshjeve miqësore verore dhe e kanë detyruar të mos marrë pjesë edhe në përballjen me Parmën. Për këtë arsye, stafi mjekësor dhe klubi kanë vendosur se ndërhyrja kirurgjikale është hapi më logjik për trajtimin e shqetësimit.
Pas vendimit për operacionin, klubi dhe lojtari pranojnë se çmimi i rikuperimit do të jetë i lartë në terma kohe. Parashikimi aktual është që viti 2026 të mbyllet për Thuram dhe kthimi i tij në fushë të ndodhë në fillim të vitit 2027. Ndërkohë, Juventusi duhet të përballet me mungesat dhe të riorganizojë skuadrën për të kompensuar largimet e përkohshme të disa elementëve të rëndësishëm. Top Channel.
