Një grup turistësh përjetuan momente paniku në ujëvarën Mae Sa, në provincën Chiang Mai të Tajlandës, pasi një përmbytje e papritur shkaktoi rritje të menjëhershme të prurjeve dhe i rrëmbeu nga rrjedha e fuqishme e ujit. Ngjarja ndodhi më 15 gusht, ndërsa turistët ndodheshin mbi shkëmbinjtë në shtratin e ujëvarës.
Në një video të filmuar nga dëshmitarë dhe të publikuar në rrjetet sociale, turistët shihen duke luftuar për të qëndruar në këmbë në ujërat e rrëmbyeshme, ndërsa përpiqen të ndihmojnë njëri-tjetrin. Pamjet tregojnë ujë që vjen befas dhe i shpërndan disa persona nëpër rrjedhë brenda sekondash. Park rangers u vunë në ndihmë dhe më pas ndihmuan të gjitha personat të dalin të sigurt.
Autoritetet e parkut ndërhynë menjëherë dhe arritën t’i evakuonin turistët në mënyrë të sigurt. Sipas raportimeve, ata pësuan vetëm disa dëmtime dhe gërvishtje të lehta, për të cilat morën ndihmën e parë në vend. Një dëshmitar okular tha se, pak sekonda para rritjes së menjëhershme të rrjedhës së ujit, kishte dëgjuar një fishkëllimë paralajmëruese nga një punonjës i parkut. Ai tregoi se po përgatitej t’i afrohej ujëvarës për të bërë fotografi kur uji filloi papritur të rridhte me forcë.
Pas incidentit, autoritetet kufizuan përkohësisht aksesin në ujëvarën Mae Sa, për të garantuar sigurinë e vizitorëve. Ndërhyrja e shpejtë e personelit të parkut dhe sigurimi i ndihmës së parë kontribuan që dëmtimet të jenë të lehta dhe që të gjithë të dalin nga zona pa pasoja serioze, sipas raporteve. Pamjet nga ngjarja u shpërndanë në rrjetet sociale, ku u panë momentet e panikut dhe shpëtimit deri në largimin e turistëve nga rrjedha e rrezikshme.
