Një festë që nisi në dhomën e zhveshjes së Dinamo City-t pas kualifikimit në play-off-in e Conference League mori përmasa ndërkombëtare. Pas fitores 4-0 ndaj Audës së Letonisë, presidenti i Dinamos, Ardian Bardhi, hyri në dhomën e zhveshjes me një qese të mbushur me para dhe i hodhi ato në dysheme përpara lojtarëve. Pamjet e ngjarjes u sigluan ekskluzivisht nga Top Channel dhe gazetari Endi Tufa. Burime bëjnë me dije se premio e dhënë për ekipin nga ana e presidentit Bardhi ishte 90 mijë euro.
Video dhe fotografitë e festës u përhapën jashtë vendit dhe morën hapësirë në media europiane dhe ndërkombëtare. Në Itali, “Il Messaggero” titulloi: “Dinamo Tirana, pioggia di soldi nello spogliatoio” – “Dinamo Tirana, shi parash në dhomën e zhveshjes”. Në Spanjë, “Marca” raportoi me titullin: “Locura: un presidente entra gritando al vestuario y les arroja una bolsa de dinero a sus jugadores” – përshkrim që media e ka paraqitur si një skenë çuditëse. “El Correo” e përshkroi ngjarjen si një “festë surrealiste në Shqipëri”.
Raporti dhe videoja u ripublikuan nga media të tjera në Kroaci, Rumani, Bosnje dhe vende të tjera, përfshirë Index.hr, Jutarnji list, Večernji list, SportKlub, Digi Sport, AS.ro, Sportsport.ba dhe Doble Amarilla. Në Amerikën Latine, “Record México” gjithashtu e përcolli ngjarjen me titullin: “Të kualifikohesh dhe presidenti yt të vijë me një qese me para!”.
Përtej imazhit të festës, në njoftim përmendet edhe motivimi sportiv që qëndron pas veprimit e presidentit: Bardhi u premtoi futbollistëve 500 mijë euro nëse eliminojnë Pafos dhe sigurojnë kalimin në fazën e grupit të Conference League. Dinamo përballet tani me një sfidë tjetër europiane ndaj Pafos.
Nga dhoma e zhveshjes në Tiranë, përmes pamjeve ekskluzive të Top Channel, ngjarja doli jashtë kufijve të Shqipërisë dhe u trajtua si një episod me jehonë ndërkombëtare, ku festimi pas suksesit sportiv u përqendrua edhe në aspektin spektakolar të momentit.
