Paris Saint-Germain është shumë pranë arritjes së një marrëveshjeje me Parmën për transferimin e portierit Zion Suzuki, në një operacion që pritet të kapë shifrën e 35 milionë eurove. Sipas raportimeve të fundit nga merkatoja, negociatat mes dy klubeve kanë avancuar ndjeshëm dhe palët janë afër mbylljes së marrëveshjes, megjithëse ende mbeten disa detaje kyçe për t’u përcaktuar.
Një prej çështjeve që po diskutohet dhe kërkon sqarim është e ardhmja sportive e Suzuki-t pas kalimit te PSG. Nëse Lucas Chevalier largohet nga klubi, ekziston mundësia që Suzuki të qëndrojë në Paris dhe të integrohet në stafin e portierëve të kampionëve francezë, duke qenë pjesë e skuadrës së parë. Kjo variant varet drejtpërdrejt nga lëvizjet e tjera në repartin e portierëve brenda PSG-së dhe nga vendimet që do të marrin drejtuesit e klubit lidhur me të ardhmen e Lucas Chevalier.
Nga ana tjetër, nëse situata me portierët në Paris nuk lejon që Suzuki të ketë minuta të rregullta, një zgjidhje e mundshme që po konsiderohet është huazimi i tij te Juventus. Qëllimi i një huazimi do të ishte që Suzuki të vazhdojë të luajë rregullisht dhe të sigurojë minutazh konkurrues, duke ruajtur ritmin dhe zhvillimin e tij sportiv gjatë sezonit, ndërkohë që pronësia e tij do të mbetej nën përgjegjësinë e PSG-së.
Raportimet nënvizojnë se diskutimet për këto pikë pritet të zhvillohen në fillim të javës së ardhshme, kur palët do të tentojnë të sqarojnë detajet e mbetura dhe të finalizojnë modalitetet e lëvizjes. Në këtë fazë, marrëveshja mes Paris Saint-Germain dhe Parmës për transferimin e portierit japonez është shumë pranë konkretizimit, por mbetet e varur nga dakordësitë për çështjet e hapura që kanë lidhje me të ardhmen e lojtarit dhe opsionet e huazimit. Top Channel.
