Mbi 20 persona u plagosën, nga të cilët tre në gjendje kritike, pas përplasjes së dy tramvajeve në Gelsenkirchen, Gjermani. Sipas informacioneve paraprake, një tramvaj ishte ndalur në një segment të hapur të linjës kur u godit nga një tramvaj tjetër që po transportonte pasagjerë. Policia bëri të ditur se rreth 25 persona u plagosën në aksident; shtatë prej tyre pësuan lëndime të rënda, ndërsa për tre të plagosur gjendja mbetet kritike dhe nuk përjashtohet rreziku për jetën. Të lënduarit morën ndihmën e parë në vendngjarje dhe më pas u dërguan në spitalet e zonës.
Shkaqet e aksidentit mbeten ende të paqarta. Autoritetet kanë ngritur një ekip të posaçëm hetimor për të zbardhur rrethanat e përplasjes dhe për të përcaktuar pse tramvaji i parë ishte ndalur në mes të itinerarit. Hetimi pritet të trajtojë elemente të ndryshme, përfshirë vendndodhjen e ndaljes dhe dinamiken e përplasjes, por deri tani autoritetet nuk kanë dhënë konkluzione për shkaqet.
Pas ngjarjes, një pjesë e bulevardit Kurt-Schumacher u mbyll në të dy drejtimet, duke shkaktuar vështirësi në qarkullim; më vonë u rihap vetëm një korsi. Në vendngjarje u angazhuan dhjetëra ekipe shpëtimi, ambulanca dhe psikologë, të cilët dhanë ndihmën fillestare për pasagjerët dhe personat e prekur. Ekipet ofruan ndihmë psikologjike dhe shërbime mjekësore para transportimit të të lënduarve në institucione shëndetësore.
Kryebashkiakja e Gelsenkirchenit, Andrea Henze, vizitoi vendin e ngjarjes dhe e përshkroi atë si “një tronditje absolute”, pasi pa nga afër dëmet e shkaktuara brenda njërit prej tramvajeve. Lajmet raportojnë që hetimet dhe puna e ekipeve të shpëtimit vazhdojnë, ndërsa autoritetet lokale po përgatisin njoftime të mëtejshme për shkakun e aksidentit dhe gjendjen e të prekurve. Top Channel.
