Ka rinisur lëvizja në Pikën e Kalimit Kufitar të Kapshticës pasi u përfundua pezullimi i njoftuar nga autoritetet greke. Pas hapjes së pikës kufitare, autoritetet shqiptare dhe ato greke rifilluan procedurat e kalimit, duke lejuar qytetarët dhe mjetet të vijojnë udhëtimin drejt Greqisë.
Në anën shqiptare ishin formuar dhjetëra radhë automjetesh të vogla, autobusësh dhe kamionësh që prisnin hapjen e kufirit. Ky fluks i mjetesh krijoi pritje të gjata, pasi pas një bllokimi të përkohshëm u grumbulluan shumë automjete gjatë kohës së ndërprerjes. Menjëherë pas rifillimit të punës, autoritetet nisën përpunimin e dokumentacionit dhe procedurat e kalimit, duke dhënë përparësi për mjetet e vogla dhe autobusët, por megjithatë rradhët vazhdojnë të jenë të gjata për shkak të ngarkesës së krijuar.
Bllokimi i përkohshëm i punës në pikën e kalimit erdhi si pasojë e një greve të punonjësve të doganës greke. Sipas njoftimit të tyre, pika kufitare do të ishte e mbyllur nga ora 05:00 deri në orën 09:00 të mëngjesit të kësaj të hëne. Pas përfundimit të greves, shërbimet në Kapshticë u rivendosën dhe punonjësit e kufirit vazhduan operacionet normale për të lehtësuar kalimin e udhëtarëve dhe mjeteve.
Autoritetet kufitare kanë regjistruar një rritje të punës për të përballuar rradhët dhe fluksin e krijuar gjatë orëve të ndërprerjes. Pavarësisht rifillimit të procedurave dhe përparësive të dhëna për disa kategori mjetesh, koha e pritjes mbetet e zgjatur për shkak të numrit të madh të automjeteve që prisnin në anën shqiptare. Sipas njoftimit të dhënë pas rifillimit, shërbimi është rikthyer në normalitet ndërsa autoritetet po punojnë për të menaxhuar fluksin e udhëtarëve dhe mallit drejt Greqisë.
