Botërori 2026 përfundoi me kurorëzimin e Spanjës si kampione e botës në MetLife Stadium të New Jersey. Të 26 lojtarët e grumbulluar nga trajneri Luis De La Fuente për këtë edicion të Kupës së Botës konsiderohen pjesë e historisë së La Roja.
Një nga aspektet më të spikatura te kampionët e rinj ishte mbrojtja: në tetë ndeshje të zhvilluara Spanja pësoi vetëm një gol. Një meritë e madhe për këtë sukses i atribuohet në mënyrë të veçantë dyshe së qendrës së mbrojtjes, Aymeric Laporte dhe Pau Cubarsi.
FIFA u jep mundësinë tifozëve të zgjedhin formacionin më të mirë të Botërorit, dhe në këtë pikë në Spanjë u krijua indinjatë. Në listën e opsioneve për repartin e mbrojtjes nuk figurojnë as Cubarsi e as Laporte. Qendërmbrojtësi i Barcelonës, Pau Cubarsi, u shpall lojtari i ri më i mirë i turneut, dhe lënia e tij jashtë këtij votimi është cilësuar si diçka jokoherente dhe jologjike. Në vend të tyre, në votim për mbrojtjen figurojnë Marc Cucurella, Pedro Porro, Lisandro Martínez, Nuno Mendes, Virgil van Dijk, Gabriel Magalhães, Cristian Romero dhe Upamecano.
Për portën, në listën e votimit janë Unai Simón së bashku me Vozinha, Emiliano Martínez, Jordan Pickford dhe Room. Në mesfushë, ndër emrat e përfshirë janë Rodri dhe Lamine Yamal, të cilëve u bashkohen edhe Jude Bellingham, Olise, Vinicius, Enzo Fernández, Dembélé, Luka Modrić dhe Saibari.
Në repartin e sulmit, në listë për formacionin më të mirë të Botërorit është përfshirë Oyarzabal, së bashku me emra të tjerë si Kylian Mbappé, Quiñones, Harry Kane, Erling Haaland dhe Lionel Messi.
Lajmi u transmetua nga Top Channel.
