Drejtoria Vendore e Policisë Tiranë njofton se, në kuadër të koncertit të Kanye West më 11.07.2026 në Kashar, do të vendosen kufizime të përkohshme të qarkullimit të mjeteve.
Nga ora 07:00 deri në ora 24:00 do të ndalohet qarkullimi në aksin dytësor të autostradës “Durrës–Tiranë”, në segmentin nga “Eiffeli” deri te “Casa Italia”. Ky segment do të funksionojë vetëm me sens daljeje. Nga ora 07:00 deri në ora 24:00 do të ndalohet gjithashtu qarkullimi në korsinë e daljes së autostradës “Durrës–Tiranë” në rrethrrotullimin e “Casa Italia-s”.
Nga ora 12:00 deri në ora 24:00 do të ndalohet qarkullimi në segmentin “Casa Italia – rruga Pavarësia – rruga Sokrat Miho”. Po nga ora 12:00 deri në ora 24:00 do të ndalohet qarkullimi në segmentin “Rruga Sokrat Miho – rruga Kasem Shima – rruga 7 Nëntori”, i cili do të funksionojë vetëm me sens daljeje.
Nga ura e Institutit deri tek “Casa Italia” mund të ketë bllokime të pjesshme të qarkullimit të automjeteve, në varësi të fluksit të pjesëmarrësve, për menaxhimin e trafikut dhe garantimin e zhvillimit normal të aktivitetit. Gjatë intervaleve të përcaktuara, akses në zonat e kufizuara do të kenë vetëm mjetet e Emergjencës dhe mjetet e Policisë së Shtetit.
Policia e Tiranës kërkon mirëkuptimin e qytetarëve dhe fton drejtuesit e mjeteve të planifikojnë lëvizjen e tyre, duke përdorur akse alternative dhe duke zbatuar udhëzimet e shërbimeve të Policisë.
