Protestat në Tiranë kanë hyrë në ditën e 30-të. Gazetari Berat Buzhala deklaroi se këto tubime nisën nga një mashtrim, duke e lidhur konfliktin kryesisht me projektin në Zvërnec.
Buzhala tha se në Vlorë banorët e zonës duan projektin, ndërsa kundërshtarët janë kryesisht njerëz që nuk jetojnë në Shqipëri. Ai përsëriti se, sipas tij, reagimet ndryshuan kur në Shqipëri erdhën figura si Ivanka dhe Jarred: “U tha, kur erdhi për herë të parë Ivanka me Jarred kur ishin në Shqipëri, reagimi më i madh ishte që Rama gënjen se nuk do të vijnë. Tani kur erdhën, thanë pse po vijnë.” Të nesërmen e protestës, Buzhala thotë se ka qenë në Zvërnec dhe ka biseduar me banorët; ata më afër projektit, sipas tij, e duan atë.
Ai gjithashtu deklaroi se kundërshtues të projektit janë ata që jetojnë jashtë Shqipërisë, duke përmendur veçanërisht njerëz në Berlin dhe në Kosovë. Buzhala shtoi se disa të afërm të tij në Klinë i thanë se “nuk bën të japësh tokë,” duke paraqitur kështu një ndarje të qëndrimeve midis komuniteteve të ndryshme.
Gazetari vuri në dukje se ka dy lloje protestash: një “protestë e shëndoshë,” me shumë njerëz që kërkojnë të protestojnë, dhe një tjetër që, sipas tij, ka nisur nga një mashtrim. Ai tha se postimet e para për shpërthimin e protestave përfshinin pretendimin “Këtu kufizohet Gaza me Izraelin,” dhe akuzoi krijuesit e tregimit se kishin përgatitur narrativën sipas së cilës një etnitet i huaj ishte përfshirë në luftë dhe se kishte nisur një sulm propagandistik ndaj Shqipërisë.
Buzhala gjithashtu deklaroi se “dhjetëra llogari në Twitter u hapën posaçërisht për Zvërnecin,” si pjesë të përpjekjeve për të përhapur këtë tregim.
