Për herë të parë, në fazën e gjashtëmbëdhjetëve të finales është futur një raund shtesë me eliminim direkt, që ka nisur dhe ka sjellë surpriza dhe emocione që në katër përballjet e para. Tabela e turneut pësuan tronditje me përfundimin e këtyre sfidave: Gjermania u eliminuar nga Paraguai pas gjuajtjes së penalltive, ku rezultati i serisë ishte 5-4. Holanda u mposht në të njëjtën mënyrë nga Maroku, 4-3 në penallti. Kanadaja siguroi kualifikimin me fitore minimale 1-0 përballë Afrikës së Jugut, ndërsa Brazili mposhti Japoninë me rezultatin 2-1.
Nga këto rezultate, faza e të tetave të finales ka nisur të marrë formë në njërën anë të tabelës. Ndeshja e parë e konfirmuar është ajo midis Kanadasë dhe Marokut. Paraguai, i kualifikuar, pret fituesin e çiftit Francë–Suedi për të mësuar kundërshtarin e radhës. Brazili do të presë fituesin e takimit midis Bregut të Fildishtë dhe Norvegjisë.
Kalendari i ndeshjeve për ditët në vijim është i ngjeshur. Të martën, 30 qershor, janë planifikuar dy përballje: Bregu i Fildishtë–Norvegji në orën 19:00 dhe Francë–Suedi në orën 23:00. Të mërkurën, 1 korrik, aktiviteti nis me Meksikë–Ekuador në orën 03:00, vazhdon me Angli–Republika Demokratike e Kongos në orën 18:00 dhe mbyllet me Belgjikë–Senegal në orën 22:00.
Vazhdimi i kalendarit përfshin ndeshjet e së enjtes, 2 korrik, ku në orën 02:00 Shtetet e Bashkuara do të sfidojnë Bosnjën, ndërsa në orën 21:00 luhet Spanjë–Austria. Të premten, 3 korrik, janë tre takime: Portugalia–Kroacia në orën 01:00, Zvicra–Algjeri në orën 05:00 dhe Australia–Egjipt në orën 20:00. Raundi do të mbyllet zyrtarisht në orët e para të së shtunës, 4 korrik, me Argjentinë–Kepi i Gjelbër në mesnatë dhe Kolumbi–Gana në orën 03:30.
Top Channel
