Pavarësisht eliminimit zhgënjyes të Gjermanisë nga Kupa e Botës në ndeshjen ndaj Paraguait, Federata Gjermane e Futbollit konfirmoi mbështetjen e plotë për trajnerin Julian Nagelsmann. Presidenti i federatës, Rudi Völler, pranoi se paraqitja e kombëtares ishte larg pritshmërive, por theksoi se beson ende te Nagelsmanni si njeriu i duhur për të udhëhequr ekipin në të ardhmen.
Völler deklaroi: “Sigurisht, kjo është në thelb e pamjaftueshme. Është e vështirë të pranohet për një komb të çmendur pas futbollit si Gjermania. Ne prisnim më shumë dhe kishim një shans më të mirë për të fituar, kjo duhet thënë qartë. Ne kemi pësuar tashmë dy humbje radhazi, ky është një fakt.” Ai pranoi nivelin e dobët të paraqitjes, por nënvizoi se eliminimi nuk ndryshon besimin e tij te trajneri.
Në vazhdim Völler shtoi se Nagelsmann mbetet “një trajner i nivelit të lartë” dhe shprehu besimin se ai do të rimëkëmbet nga kjo humbje e hidhur dhe do të synojë të rikthejë ekipin në sulm. Sipas tij, është e lehtë të mbështetësh kur fiton vazhdimisht, por edhe pas dështimit ai beson se Nagelsmann mund të jetë personi i duhur për të vijuar drejtuesinë e ekipit: “E di që shumë nuk do ta kuptojnë, duke pasuar parasysh mënyrën se si u eliminuam. Mbetem i bindur se ai është ndoshta personi i duhur për të vazhduar.”
Deklarata e presidentit të Federatës Gjermane erdhi disa orë pas eliminimit të “Panzerave” nga turneu, duke i dhënë një votëbesim të fortë trajnerit pavarësisht dështimit për të arritur objektivat e Kampionatit të Botës. Federata theksoi qëndrimin e saj mbështetës publikisht, ndërsa Völler pranoi nevojën për përmirësim pas dy humbjeve rresht dhe refuzoi të ndryshonte vlerësimin e tij për drejtimin teknik të ekipit.
