Chelsea ka bërë një hap të rëndësishëm në përpjekjet për të siguruar shërbimet e mesfushorit Granit Xhaka, pasi lojtari ka arritur marrëveshje për kushtet personale me klubin londinez. Xhaka shihet i hapur për një kalim te Chelsea dhe e konsideron këtë si një mundësi për t’u rikthyer në Londër, ku ka luajtur më parë gjatë karrierës së tij në Premier League.
Sipas raportimeve, përveç dëshirës së lojtarit, Chelsea e sheh Xhakën si një element që mund të sjellë eksperiencë dhe stabilitet në mesfushë për skuadrën e drejtuar nga Xabi Alonso. Klubi londinez ka mbyllur pjesën e marrëveshjes personale me Xhakën, por transferimi ende nuk është finalizuar.
Pikat vendimtare mbeten negociatat mes dy klubeve, Chelseat dhe Sunderland, të cilat duhet të bien dakord për detajet e marrëveshjes dhe shumën e transferimit. Vetëm pasi palët të arrijnë një marrëveshje financiare dhe të dakordësojnë elementët e kontratës së transferimit, lëvizja do të mund të kompletohet.
Nëse klubet arrijnë të gjejnë një zgjidhje dhe të finalizojnë marrëveshjen, Xhaka pritet të nisë një kapitull të ri me fanellën e Chelseat në Premier League. Për momentin, zhvillimet varen nga bisedimet e vazhdueshme mes Chelseat dhe Sunderlandit, me lojtarin tashmë të gatshëm për një rikthim në Londër dhe për të kontribuar në skuadrën që drejton Xabi Alonso.
