Detaje të reja raportohen për dasmën e Taylor Swift dhe Travis Kelce, e cila pritet të zhvillohet disa ditë në New York dhe të mbahet në Madison Square Garden. Sipas mediave ndërkombëtare, çifti po planifikon një festë në këtë arenë ikonike, me raportime fillestare që flisnin për një pritje më 3 korrik. Burime të reja sugjerojnë se programi do të jetë mëditor: një event më privat dhe intim pritet më 2 korrik, me rreth 100 familjarë dhe miq të ngushtë, ndërsa më 3 korrik pritet një festë shumë më e madhe, me të ftuar që mund të arrijnë deri në 1,000 persona.
Raportohet se ngjarja madhore mund të përfshijë performanca live dhe elemente spektakolare, duke e kthyer dasmën në një event showbiz-i. Thashethemet për zgjedhjen e Madison Square Garden janë forcuar nga dokumente dhe leje të paraqitura për mbylljen e rrugëve përreth arenës nga 2 deri më 4 korrik, si dhe kërkesa për hapësira të mëdha për tenda, struktura dhe automjete organizative. Autoritetet e qytetit të New York-ut po e trajtojnë seriozisht mundësinë e një eventi të madh të lidhur me Taylor Swift; një zyrtar lokal, për gazetën New York Times, ka deklaruar se ambienti është përgatitur për “evente dasmash” në këtë periudhë.
Gjithashtu raportohet se disa lojtarë të ekipit Kansas City Chiefs, ku luan Travis Kelce, kanë rezervuar dhoma në një nga hotelet e njohura të Manhattan-it në pritje të ceremonisë. Burime pranë Daily Mail kanë thënë se çifti ka vendosur të “përqafojë spektaklin” dhe të organizojë një dasmë në përmasa të mëdha, duke shndërruar ngjarjen në një nga më të komentuarat e vitit.
Megjithatë, ende nuk ka një konfirmim zyrtar për detajet përfundimtare të ceremonisë, përfshirë numrin e saktë të të ftuarve dhe formatin final të ngjarjes. Sipas raportimeve, dasma pritet të jetë një nga dasmat më të mëdha të showbiz-it ndërkombëtar, nëse planifikimi bëhet i plotë.
