Gjykata e Lartë ka lënë në fuqi vendimin penal për Besnik Pjetri lidhur me vrasjen e ish-vjehrrit dhe ish-kunatit në fshatin Grykë Zezë të Lezhës.
Ngjarja e rëndë ndodhi rreth mesnatës të hënën më 29 gusht pranë banesës së viktimave. Sipas aktakuzës, 45-vjeçari kishte pritur kthimin e tyre në shtëpi; babë e bir ishin kthyer atë ditë nga Italia, ku jetonin prej shumë vitesh, pasi kishin marrë pjesë në një dasmë në vendlindje. I pandehuri i kishte ndjekur lëvizjet e tyre dhe sapo ata hynë në banesë u afrova dhe qëlloi me breshëri plumbash, duke i lënë të dy të vdekur.
Si shkak të veprës, sipas materialeve të hetimit, janë dhunët dhe sherret e vazhdueshme që Pjetri kishte me ish-bashkëshorten dhe familjen e saj. Në dosjen që disponon gazetarja e Top Channel, Anila Hoxha, Gjykata ka përfshirë dëshmitë e familjarëve dhe rrethanat e ngjarjes.
Dëshmia e bashkëshortes së viktimës, Pjetër Përjakut, tregon se pas kthimit nga Italia në shtëpi hyri Besnik Pjetri, i cili qëlloi më parë Pjetrin dhe më pas djalin e tij, Gentjanin, dhe më pas u largua nga vendi i ngjarjes. Të dy viktimat mbetën të vdekur si pasojë e plumbave.
Në gjykimin në shkallë të parë i pandehuri ka dhënë shpjegime për marrëdhënien me ish-bashkëshorten Dorina, pretendime për shpenzimet dhe boshatisjen e llogarisë së saj, largimin nga banesa dhe lidhjen me një person tjetër. Ai ka deklaruar gjithashtu se ishte denoncuar për dhunë dhe kishte vuajtur burg në Itali, si dhe se pretendohet se ishte rrahur atje nga vjehrri dhe vëllai i tij.
Pjetri ka pretenduar se vazhdimisht përpiqej të takonte vajzat e tij, por nuk ia kishin lejuar, dhe se ditën e ngjarjes kishte menduar se ato kishin ardhur, ndaj ishte drejtuar për t’i takuar me armë. Sipas deklarimeve të tij, pa parë fillimisht Gentin, më pas mësoi pas 3-4 ditësh për vdekjen e tyre; armën e ka hedhur në malin përreth dhe është larguar pa ditur ku të shkojë. Gjykata ka përmbledhur këto pretendime në arsyetimin e saj.
