Një aksident me pasojë vdekjen ndodhi mbrëmjen e djeshme në aksin Lushnjë–Rrogozhinë, pranë vendit të quajtur Ura e Rrogozhinës. Viktimë u bë Taulant Veliu, 37 vjeç, i cili po udhëtonte me biçikletë në krahun e kundërt të drejtimit.
Sipas hetimeve dhe dëshmive të marra në vendngjarje, fillimisht personi me biçikletë u përplas me pasqyrën e njërit nga mjetet. Si pasojë e këtij përplasjeje ai u spostua drejt mesit të karrexhatës, aty ku po kalonte një mjet tjetër, tip Benz. Ky i fundit e mori zvarrë viktimën për disa metra, gjë që i shkaktoi vdekjen e menjëhershme në vendngjarje.
Policia e Lushnjës shoqëroi për verifikime dhe hetime të mëtejshme dy drejtuesit e mjeteve të përfshira në ngjarje.
