Ylli i ri i Spanjës, Lamine Yamal, është shumë pranë rikthimit në fushë pas dëmtimit që e mbajti jashtë gjatë, por thekson se duhet vepruar me kujdes për të shmangur rreziqe të panevojshme. Në një intervistë për TVE, sulmuesi i Barcelonës u shpreh optimist për gjendjen e tij fizike dhe gatishmërinë për të ndihmuar kombëtaren, duke thënë se ndihet mirë dhe mezi pret ndeshjen e së dielës. Ai pranoi megjithatë se nuk është ende në gjendje të përballojë një ndeshje të plotë 90-minutëshe dhe se rikthimi po zhvillohet gradualisht, pa nxitim për të luajtur gjithë ndeshjen.
Yamal rrëfeu se kur u dëmtua mendimi i parë i tij shkoi te Kupë̈s së Botës dhe frika se mund ta humbiste atë kompeticion, por mjekët e bindën se do të ishte gati në kohë. Futbollisti e përshkroi sezonin e fundit si më të vështirin në karrierën e tij deri tani për shkak të problemeve fizike dhe periudhave të gjata jashtë fushës, por shtoi se këto eksperienca e kanë ndihmuar të rritet si lojtar dhe si person.
Me Spanjën që vjen pas një barazimi në ndeshjen e parë ndaj Kepit të Gjelbër, Yamal shprehu dëshirën e fortë për të qenë protagonist dhe për të ndihmuar ekipin; ambicia për të fituar dhe për të luajtur e motivon çdo ditë. Ai foli edhe për vëmendjen e madhe mediatike që ka marrë, duke thënë se e përjeton me qetësi dhe mundohet të japë maksimumin, ndërsa vlerësimi i publikut pasqyron performancat që i pëlqejnë tifozëve.
Në fund, Yamal i kushtoi fjalë lëvduese Lionel Messit, të cilin e konsideron futbollistin më të mirë në histori dhe nuk pranon dyshime për këtë. Duke parë përpara ndaj fazës eliminatore të Botërorit, ai tha se nuk do të kishte problem të përballej me Argjentinën dhe se, nëse do të ndodhte, do ta firmoste edhe një finale kundër tyre, pasi për të fituar Kupën e Botës duhet mposhtur kundërshtarët më të fortë.
