Administrata Trump deklaroi se arbitrit Omar Abdulkadir Artan i’u mohua hyrja në SHBA për shkak të “lidhjeve me anëtarë të dyshuar të organizatave terroriste”. Artan ishte një nga 52 zyrtarët e përzgjedhur nga FIFA për Kupën e Botës dhe kishte udhëtuar drejt Miamit për t’u bashkuar me kolegët në një kamp stërvitor në Florida para fillimit të turneut. Ai i tha New York Times se kishte “dokumentet e duhura”, “vizën e duhur” dhe akreditimin zyrtar si zyrtar ndeshjeje nga FIFA.
Problemi duket se lindur gjatë tentativës për të kaluar kufirin në Aeroportin Ndërkombëtar të Miamit, ku Artan u mor në pyetje nga zyrtarët kufitarë në një proces që zgjati mbi 11 orë. Pas intervistimit ai u ndalua në një qeli paraburgimi dhe më pas u kthye mbrapsht në Stamboll, nga ku kishte nisur udhëtimin e tij.
Pasi The Athletic kontaktoi Shtëpinë e Bardhë për koment, një zyrtar i lartë i administratës deklaroi se, “Pas një kontrolli më të hollësishëm nga CBP (Dogana dhe Mbrojtja Kufitare e SHBA-së), u zbuluan informacione komprometuese, duke përfshirë lidhjet me anëtarë të dyshuar të organizatave terroriste, çka e bën udhëtarin të papërshtatshëm për t’u pranuar në Shtetet e Bashkuara sipas Aktit të Emigracionit dhe Kombësisë (INA).”
Udhëtarit iu refuzua hyrja dhe iu dhanë formularët e emigracionit që specifikonin nenin e ligjit të përdorur për të kryer një dëbim të përshpejtuar sipas nenit 8235 të INA-s. Në deklarimin për media, administrata e Presidentit Trump tha se nuk do të lejojë që ndonjë kërcënim i sigurisë të hyjë në vend. Artikulli përmend se Artan kishte udhëtuar me gjithë dokumentacionin zyrtar por u përball me procedura kufitare që rezultuan në kthimin në vendin e nisjes.
