Përfaqësuesi i Iranit në Organizatën e Kombeve të Bashkuara, Saeed Iravani, njofton se Irani dhe Shtetet e Bashkuara po shkëmbejnë propozime dhe pikëpamje në përpjekje për të arritur një marrëveshje përfundimtare nëpërmjet ndërmjetësimit të Pakistanit. Sipas tij, të dyja palët janë duke punuar për hartimin e një memorandumi mirëkuptimi, por ende nuk është finalizuar një tekst përfundimtar.
“Ne po paraqesim dhe po shkëmbejmë pikëpamje dhe opinione për të arritur tekstin përfundimtar të një memorandumi mirëkuptimi përmes Pakistanit. Ende nuk kemi arritur në tekstin përfundimtar, por po e ndjekim çështjen,” u citohet të ketë thënë Iravani, sipas agjencisë shtetërore iraniane IRNA. Ai shprehu gjithashtu optimizmin se procesi mund të përfundojë brenda këtij muaji.
Duke përshkruar përmbajtjen e asaj që po diskutohen, Iravani tha se marrëveshja e mundshme do të shoqërohej me një armëpushim të gjerë rajonal. “Armëpushimi do të jetë global dhe do të mbulojë të gjithë rajonin, përfshirë Libanin,” deklaroi përfaqësuesi iranian. Në referencë të kësaj, ai e përshkroi armëpushimin si një element të lidhur me memorandumin e mirëkuptimit që po përpilohet.
Deklaratat vijnë në një kohë të tensioneve të larta në Lindjen e Mesme. Në fjalën e tij, Iravani thekson se bisedimet dhe shkëmbimet e opinioneve vazhdojnë, duke nënkuptuar përpjekje diplomatike të intensifikuara për arritjen e një marrëveshjeje që, sipas tij, mund të sjellë një ndalim të përshkallëzimit të konfliktit në nivel rajonal. Ai nuk dha detaje të tjera mbi përmbajtjen teknike të memorandumit apo afatet konkrete të negociatave përtej shprehjes së optimizmit se procesi mund të mbyllet brenda këtij muaji.
Raporti i Iravanit është publikuar nga agjencia shtetërore IRNA dhe pasqyron vlerësimin zyrtar iranian rreth përpjekjeve dypalëshe me SHBA-në, nën ndërmjetësimin e Pakistanit, për të hartuar një dokument bashkëpunimi dhe për të vendosur një armëpushim që do të përfshinte gjithë rajonin, përfshirë Libanin.
